Філіял «ЛПДС Мазыр»

Галаўная станцыя адкрытага акцыянернага таварыства «Гомельтранснафта Дружба» – лінейная вытворча-дыспетчарская станцыя «Мазыр». Тут нафтавы плынь, што ідзе ад усходняй мяжы Беларусі, разгаліноўваецца: частка яго працягвае рух на захад у Польшчу і Германію, частка скіроўваецца на поўдзень ва Украіну, Венгрыю, Славакію, Чэхію. Адгэтуль жа сыравіна паступае на Мазырскі нафтаперапрацоўчы завод. На ЛПДС «Мазыр» трапляе не толькі расійская і казахская нафта, але і нафта, здабытая ў радовішчах НГДУ «Рэчыцанафта». Нафта па трубаправодах трапляе ў рэзервуарны парк станцыі.

У склад філіяла «ЛПДС Мазыр» уваходзяць:

• аварыйна-аднаўленчая служба
• таварная служба
• выпрабавальная лабараторыя нафты
• электратэхнічная служба
• механа-тэхналагічная служба
• служба аўтаматыкі і тэлемеханікі
• служба сувязі
• служба метралогіі
• будаўніча-гаспадарчая служба

Вытворчая праграма мадэрнізацыі рэзервуарнага парку на ЛПДС «Мазыр» ужыццяўляецца ў некалькі этапаў. У жніўні 2012 года былі здадзены ў эксплуатацыю два рэзервуары (№26,28) ёмістасцю 50 000м³ кожны, якія ўяўляюць сабою вертыкальныя сталёвыя двухсценныя збудаванні з плавальным дахам, з падвойным дном і сістэмай кантролю герметычнасці дна. Такая канструкцыя дазваляе забяспечыць высокую ступень экалагічнай бяспекі. Таксама ў 2012 годзе быў здзейснены дэмантаж існавалых рэзервуараў ёмістасцю 10 000 м³ (№11,12,15,16). З 2013 года вялося будаванне на іх месцы двух новых рэзервуараў ёмістасцю 50 000 м³. У ліпені 2016 года гэтыя рэзервуары (№11,12) былі ўведзены ў эксплуатацыю. Рэалізацыя вышэйназванага праекта забяспечыць істотнае павелічэнне ёмістасці рэзервуарнага парку ЛПДС «Мазыр», і як вынік, больш надзейную і гнуткую працу нафтаправоднага комплексу.

Цяпер дамінантай тэхнічнага развіцця прадпрыемства застаецца нарошчванне магутнасці і абнаўленне рэзервуарнага парку. Беларускі калектыў працуе і ў інтарэсах усёй сістэмы нафтаправодаў у цэлым. Нястача буферных ёмістасцяў рэзервуарнага парку галоўнай нафтаперапампоўнай станцыі беларускага прадпрыемства, у выпадку магчымай аварыйнай сітуацыі на кожнай пляцоўцы транснацыянальнага нафтаправода, можа прывесці да няўстойлівай рабоце сістэмы магістральных нафтаправодаў «Дружба» як на тэрыторыі Рэспублікі Беларусь, гэтак і Расійскай Федэрацыі, Украіны і Польшчы. Паводле «Нормаў тэхналагічнага праектавання ВНТП 2-86» аб'ём рэзервуарнага парку павінен месцаваць ёмістасцю ў памеры двухсуткавай прадукцыйнасці нафтаправода. Улічваючы тэхналагічную магчымасць павелічэння прадукцыйнасці нафтаправодаў — патрэба нарошчвання магутнасці рэзервуарнага парку прадпрыемства відавочная. Перапампоўка нафты па кірунках ужыццяўляецца пампоўнямі. Іх на ЛПДС «Мазыр» шэсць, у іх ліку і помпавая №4/1, дзе падпор магістральным насосам ствараюць высокатэхналагічныя японскія вертыкальныя насосы «EBARA».